Əsas səhifə » Devlet Bahçeli Alparslan Türkeşin anım mərasimində iştirak edib

Devlet Bahçeli Alparslan Türkeşin anım mərasimində iştirak edib

BAKI, AzerVoice

Milliyyətçi Hərəkat Partiyasının (MHP) lideri Devlet Bahçeli partiyanın qurucusu Alparslan Türkeşin vəfatının 28-ci ildönümü münasibətilə Ankaradakı məzarını ziyarət edib.

AzerVoice xəbər verir ki, Yanvar ayında ürək əməliyyatı keçirən Bahçeli iki ay sonra ilk dəfə ictimaiyyət qarşısına çıxıb.

MHP-nin Ankara İl İdarəsi tərəfindən Alparslan Türkeşin məzarında anım mərasimi təşkil edilib. Əvvəlki mərasimdə görünməyən Devlet Bahçeli yerli vaxtla saat 13:00 radələrində şəxsən məzarı ziyarət edib.

Qeyd edək ki, MHP lideri son həftələrdə ürək qapağındakı degenerasiya səbəbindən planlaşdırılmış əməliyyat keçirmişdi. 10 il əvvəl dəyişdirilən ürək qapağı yenidən əvəzlənib. Partiyadan verilən açıqlamada Bahçelinin səhhətinin yaxşı olduğu və qısa müddətdə gündəlik fəaliyyətinə qayıdacağı bildirilib.

Anma mərasimindən sonra Bahçelinin partiyanın qərargahına gedərək təmaslarına başladığı öyrənilib.

Digər Kateqoriyalar

2025 © Azervoice