BAKI, AzerVoice
Türkiyənin Suriyadakı T4 Hava Bazasına əsgər yerləşdirəcəyi ilə bağlı iddiaların ardınca İsrail bazanı məhv edib, buna baxmayaraq, Türkiyənin geri addım atmayacağı və "Hisar" hava hücumundan müdafiə sistemlərini bazaya yerləşdirməyi planlaşdırdığı öyrənilib.
AzerVoice xəbər verir ki, Türkiyə,
Suriyada həm daxili iğtişaşların qarşısını almaq, həm də İŞİD ilə
mübarizə üçün bölgədəki hava bazalarını əhəmiyyətli bir strateji
nöqtə olaraq istifadə etmək istəyir.
T4 Hava Bazasının ələ keçirilməsi, İsrailin bölgədəki hərbi
fəaliyyətini zəiflədəcək və Türkiyənin bölgədəki müdafiə mövqeyini
gücləndirəcək.
İsrail, Türkiyənin Suriyada hərbi baza yaratmaq cəhdlərini ciddi təhdid kimi qiymətləndirib və bazanın bombalanması ilə cavab verib. Lakin, Türkiyə bu hücuma boyun əyməyəcək və Hisar hava hücumundan müdafiə sistemləri ilə bazanın təhlükəsizliyini təmin edəcək. Həmçinin, sistemin döyüş təyyarələri, İHA-lar və raket hücumlarına qarşı müxtəlif hava hücumlarından müdafiə imkanı verəcəyi vurğulanır.
T4 Hava Bazasının əhəmiyyəti, Türkiyənin bölgədə hava nəzarətini artırmasına və daha geniş müdafiə mövqeyi qurmasına imkan verəcək. Hisar Hava Hücumundan Müdafiə Sistemləri, bu bazada mühafizə məqsədilə qısa, orta və uzun mənzilli hava hücumlarına qarşı geniş bir şəbəkə qurulmasına şərait yaradacaq.
Qeyd edək ki, bu gərginlik, Türkiyə və İsrail arasındakı münasibətlərin daha da pisləşməsinə və bölgədə hərbi qarşıdurmaların baş vermə ehtimalını artırmağa səbəb ola bilər. Türkiyənin Suriyadakı müdafiə mövqeyini gücləndirməsi və İsrailin bu mövqelərə qarşı təzyiqləri, regionda yeni bir hərbi dinamikaya yol açır.
