BAKI,AzerVoice
Türkiyə-Avropa İttifaqı (Aİ) Yüksək Səviyyəli İqtisadi Dialoq (High Level Economic Dialogue - HLED) toplantısı, 6 illik fasilədən sonra sabah Brüsseldə keçiriləcək.
AzerVoice xəbər verir ki, toplantıda Türkiyənin İqtisadiyyat naziri Mehmet Şimşək iştirak edəcək.
Türkiyə ilə Aİ arasında dialoq kanallarının inkişaf etdirilməsi məqsədilə 29 noyabr 2015-ci ildə keçirilən Türkiyə-Aİ Zirvəsində HLED mexanizminin qurulmasına qərar verilib. Bu çərçivədə 2016, 2017 və 2019-cu illərdə üç toplantı keçirilib. Birinci və üçüncü toplantılara Türkiyə, ikinci toplantıya isə Belçika ev sahibliyi edib.
Yeni dövrün ilk toplantısı 3 aprel tarixində Brüsseldə keçiriləcək.
Toplantı iki əsas bölümdən ibarət olacaq. Birinci bölümdə, nazirliklər səviyyəsində Türkiyə və Aİ-nin makroiqtisadi vəziyyətləri, rəqabətlilik sahəsində atılacaq addımlar və struktur islahatları müzakirə ediləcək. Bu oturumlara Nazirlər Şimşək və Komissar Dombrovskis həmsədrlik edəcək.
İkinci bölümdə isə Türkiyə və Aİ iş dünyasının önəmli nümayəndələri, nazirlər və komissarlarla bir araya gələrək ortaq sərmayə və ticarət imkanlarını qiymətləndirəcəklər.
Toplantılara Avropa İnvestisiya Bankı, Avropa İmar və İnkişaf Bankı və Avropa İnkişaf Konseyi Bankası kimi Avropa mərkəzli maliyyə qurumlarının yüksək səviyyəli rəhbərləri də qatılacaq.
Nazir Şimşək, toplantılar çərçivəsində Dombrovskis və Kos ilə ikitərəfli görüşlər də keçirəcək. Görüşlərdə, əlaqələrin gələcəyi və mümkün əməkdaşlıq sahələri müzakirə ediləcək.
