BAKI, AzerVoice
Türkiyədə Ayvalık sahillərində qeyri-qanuni yollarla Midilli adasına keçməyə çalışan 35 miqrant saxlanılıb.
AzerVoice xəbər verir ki, Balıkəsirin Ayvalık rayonunda Ege dənizi vasitəsilə Yunanıstana keçmək istəyən 2-si uşaq olmaqla 35 nizamsız miqrant Sahil Mühafizə Xidməti tərəfindən yaxalanıb.
Sahil Mühafizə Xidmətinin Mobil Radarı (MORAD-12) Ayvalık sahillərində rezin qayıqla hərəkət edən miqrantları aşkar edib. KB-115 patrul gəmisi dərhal müdaxilə edərək qayığı dayandırıb və sərnişinləri nəzarətə götürüb.
Qeyd edək ki, saxlanılan miqrantlar Cunda adasındakı Sahil Mühafizə Komandanlığına aparılıb, onlara qida, geyim və tibbi yardım göstərilib. Daha sonra hüquqi prosedurlar tamamlandıqdan sonra Balıkəsir İl Miqrasiya İdarəetmə Mərkəzinə təhvil verilib.
