Türkiyə prezidenti Rəcəb Tayyib Ərdoğan Pakistanın baş naziri
Şahbaz Şərifə TOGG avtomobilini hədiyyə edib.
AzerVoice xəbər verir ki, parlament
binasında söhbət edən iki lider avtomobilin qarşısında xatirə şəkli
çəkdiriblər.
Ərdoğan avtomobilin sükanı arxasına keçən Şərifini sərnişin
oturacağında müşayiət edib.
Qeyd edək ki, Türkiyənin ilk elektrikli avtomobili olan TOGG 100
faiz Türkiyə tərəfindən layihələndirilib və bu layihə ölkənin
sənaye mülkiyyətinə sahib qlobal marka yaratmaq məqsədi ilə həyata
keçirilib.
