Bakı,
AzerVoice
Türkiyə Prezidenti Rəcəb Tayyib Ərdoğan Pakistanın Baş naziri
Şahbaz Şəriflə keçirdiyi birgə mətbuat konfransında iki ölkə
arasındakı strateji tərəfdaşlığın əhəmiyyətini vurğulayıb.
AzerVoicexəbər verir ki , Ərdoğan bildirib ki, görüş zamanı ikitərəfli əlaqələrlə yanaşı, regional və qlobal məsələlər də müzakirə edilib. O, iki ölkə arasında ticarət dövriyyəsinin 5 milyard dollara çatdırılması üçün səylərin artırılacağını qeyd edib.
Türkiyə lideri Pakistanın Kipr türklərinin haqq işinə verdiyi dəstəyi yüksək qiymətləndirərək, bu dəstəyin onlar üçün böyük mənaya sahib olduğunu bildirib. Eyni zamanda, PKK, YPG, DEAŞ və FETÖ terror təşkilatları ilə mübarizədə Pakistanın Türkiyəyə göstərdiyi dəstəyi də xüsusi vurğulayıb.
Ərdoğan, Yüksək Səviyyəli Strateji Əməkdaşlıq Şurasının yeddinci iclası çərçivəsində iki ölkə arasında 24 sənədin imzalandığını xatırladaraq, bu razılaşmaların əlaqələrin daha da güclənməsinə töhfə verəcəyini qeyd edib.
Türkiyə və Pakistan arasında 24 əməkdaşlıq sazişi imzalanıb
Fələstin məsələsinə də toxunan Ərdoğan, 1967-ci il sərhədlərinə əsaslanan, paytaxtı Şərqi Qüds olan müstəqil Fələstin dövlətinin qurulması üçün mübarizəni davam etdirəcəklərini vurğulayıb.
