Bakı,
AzerVoice
Türkiyə Silahlı Qüvvələrinin quru və dənizdə əməliyyat
qabiliyyətinə malik elit bölmələrindən biri olan Amfibiya Hücum
Komandaları, "Timsahlar" ləqəbi ilə çətin təlimlərini
AzerVoice xəbər verir ki, İzmirin Foça
rayonunda yerləşən 1-ci Amfibiya Dəniz Piyada Briqadası ölkə
daxilində və xaricdə keçirilən əməliyyatlarda xüsusi bacarıqları
ilə seçilir. Əsasən düşmən gəmilərinin ələ keçirilməsi, gəmilərə
mindirmə və qeyri-döyüşçülərin təxliyəsi kimi vəzifələri yerinə
yetirən bu komanda çətin şəraitdə güc və dözümlülüyünü sübut
edib.
Amfibiya Dəniz Piyada Briqadasının üzvləri xüsusi hazırlıq kursundan keçərək “Amfibiya Hücum Komandası” adını qazanır. 8 həftəlik intensiv təlim proqramını uğurla başa vuran şəxsi heyət qayıqdan hərəkətdə olan gəmiyə qalxmaq, helikopterdən iplə enmək və müxtəlif relyeflərdə sağ qalmaq kimi bacarıqlar əldə edir.
“Timsahlar” snayper atışları, dənizdən eniş, vertolyotdan sürətli eniş və şəhər şəraitində döyüş ssenariləri üzərində çalışır. Onlar həm də stress altında dəqiq atış və sabit, hərəkətli hədəfləri zərərsizləşdirmə bacarıqlarını inkişaf etdirir.
Bu xüsusi təyinatlılar həm quruda, həm də suda sürətlə hərəkət etmək qabiliyyətinə malikdir. Onların ən mühüm tapşırıqlarından biri qayıqlarla hədəf bölgəsinə eniş və hərəkətdə olan düşmən gəmisini ələ keçirməkdir. Bu təlimlər, çox vaxt döyüş filmlərindəki səhnələrə bənzəyən yüksək səviyyəli peşəkarlıq tələb edir.
Polkovnik komandir bildirib ki, amfibiya qüvvələri Kipr Sülh Əməliyyatında, Liviyada, Livanda, Kosovoda və Əfqanıstanda mühüm vəzifələr icra edib. Onlar Somalidə dəniz quldurluğu ilə mübarizə və Aralıq dənizində patrul əməliyyatları kimi missiyalarda da aktiv şəkildə iştirak ediblər.
Türkiyənin amfibiya briqadaları daxili və xarici əməliyyatlarda əldə etdiyi uğurlara görə “Üstün Cəsarət və Fədakarlıq Medalı” ilə təltif edilib. Polkovnik vurğulayıb ki, şəxsi heyət ölkə daxilində Fərat Qalxanı, Zeytun Budağı, Sülh Pınarı və Liviyadakı əməliyyatlar zamanı terrorla mübarizədə mühüm rol oynayıb.
Polkovnik qeyd edib ki, şəxsi heyət verilən bütün tapşırıqları vaxtında və dəqiqliklə yerinə yetirir.
Türkiyə Silahlı Qüvvələri çərçivəsində “Göy Vətən” strategiyası suveren hüquqların qorunması və dəniz təhlükəsizliyinin təmin edilməsinə yönəlib. Amfibiya Hücum Komandaları bu missiyada kritik güc elementi olaraq iştirak edir və dənizdəki əməliyyatlarda çətin vəzifələrə hazır olur.
