Bakı,AzerVoice
Brody absesi süngər maddənin nekrozunun lokal fokusudur.Brodi absesi birinci dərəcəli xroniki osteomielitin variantlarından biri hesab olunur.
Xəstəliyin səbəbi “Staphylococcus aureus”- dur (qızılı statfilakok). Patoloji proses adətən diz oynağına bitişik olan sümükdə inkişaf edir. Brodi absesi digər uzun sümüklərdə də ola bilər.
Xəstəlik ümumiyyətlə gecə, fiziki gücdən sonra görünən, həmçinin
havadan asılılıq nümayiş etdirən dövri ağrı ilə özünü göstərir.
Xroniki prosesin fonunda, zədələnmiş ərazidə sümüyün qalınlaşması
müşahidə olunur. Brodi absesi bədən istiliyinin artması ilə bədənin
sistemli reaksiyası ilə xarakterizə olunur. Ancaq bəzi xəstələrdə
gizli klinik inkişaf mümkündür və ilk əlamətlər rentgen müayinəsi
zamanı aşkar edilir.
Brodi absesin əsas müalicə növü cərrahi müalicədir. Həkim sümüyü açır, ölü toxumaları çıxarır, boşluğun daxili divarını sıyırır və yara tikilir.
Brodi absesi atipik osteomielitin növlərindən biridir.
Simptomlar
Brodinin sümükdaxili absesi aşağıdakı simptomlarla özünü göstərə bilər:
• zədələnmiş ( xəstəlik olan) sümükdə dövri ağrı;
• gecə və hava dəyişdikdə ağrının artması;
• bədən istiliyində artım (qeyri-daimi əlamət);
• zədələnmiş sümüyün qalınlaşması;
• xroniki iltihabın mərkəzində dərinin qızartısı (daimi əlamət deyil).
İltihabi prosesin kəskinləşməsi ilə bədən istiliyində bir qədər artım müşahidə oluna bilər, bəzənbu hal üşütmə ilə də müşayət oluna bilər.
Səbəblər
Xəstəlik stafilokok infeksiyasının uzun boru sümüklərinin süngər
maddəsinə nüfuz etməsi nəticəsində inkişaf edir.
İmmun sisteminin fəaliyyətinin azalması səbəbindən proses əvvəlcə
xroniki olur. Tədricən, təsirlənmiş ərazidə sümük toxuması məhv
olur. Yaranan boşluq irinlivə ya qanlı maye ilə dola bilər.
Bütün hallarda özünümüalicə etmək yox, həkimə müraciət etmək lazımdır.
