BAKI, AzerVoice
İsrailin müdafiə naziri İsrael Katz İsrailin dünən Suriyadakı hərbi hava limanları və infrastruktura hücumlarının "gələcək üçün xəbərdarlıq" olduğunu iddia edərək, "İsrail Suriyanın cəmiyyətlərimiz və təhlükəsizlik maraqlarımız üçün təhdid olmasına icazə verməyəcək" dedi.
AzerVoice xəbər verir ki, Suriya prezidenti Əhməd Əl Şəraa HTŞ lideri olduğu zaman adı Məhəmməd əl-Colani deyə müraciət edən Katz, "İsrailə düşmən olan qüvvələrin Suriyaya girməsinə icazə versəniz və İsrailin təhlükəsizlik maraqlarını təhlükəyə atsanız, bunun əvəzini ağır ödəyəcəksiniz" dedi və əlavə etdi:
"Hərbi Hava Qüvvələrinin T-4 və Həma hava limanlarına və Dəməşq bölgəsinə qarşı dünənki əməliyyatları aydın mesaj və gələcəyə xəbərdarlıqdır: İsrail Dövlətinin təhlükəsizliyinin pozulmasına imkan verməyəcəyik."
İsrail Hərbi Hava Qüvvələri dünən gecə açıqlama verib ki, Həma hərbi hava limanında və T-4 aviabazasında qalan hərbi imkanlar, həmçinin Suriya paytaxtı yaxınlığındakı hərbi infrastruktur vurulub.
Eyni zaman da, Suriya mediasının məlumatına görə, Dəməşqin bir qədər kənarında yerləşən Barzeh elmi araşdırma mərkəzi də hücuma məruz qalıb.
Qeyd edək ki, Suriya Xarici İşlər Nazirliyi İsrailin Suriya ərazisinə hücumlarını qətiyyətlə pisləyib.
