BAKI, AzerVoice
Ukrayna, Suriyada yeni hökümətin qurulmasını alqışlayıb və bu addımı ölkənin milli inkişaf yolunda mühüm bir mərhələ kimi qiymətləndirib.
AzerVoice xəbər verir ki, bu haqda Ukrayna Xarici İşlər Nazirliyinin verdiyi açıqlamada deyilir.
“Bu addım, Milli Dialoq Konfransının çağırılması və Konstitusiya Bəyannaməsinin qəbul olunması ilə başlanan hərtərəfli milli prosesin daha bir mühüm mərhələsini təmsil edir", - deyə açıqlamada qeyd olunub.
Nazirlik bildirib ki, İnklüzivlik prinsipləri əsasında dövlət orqanlarının qurulması, Suriya xalqının arzuladığı islahatların həyata keçirilməsinə və ölkənin sabitliyini pozmağa yönəlmiş hər hansı xarici müdaxilə və ya cəhdlərin qarşısının alınmasına gətirib çıxaracaq.
Nazirlik Ukraynanın Suriya ilə bağlı mövqeyini bir daha vurğulayaraq ölkənin birliyi, suverenliyi və ərazi bütövlüyünü dəstəklədiyini qeyd edib. Kiyev həmçinin Dəməşqlə əməkdaşlığı inkişaf etdirməyə və Suriya xalqına inkişaf yolunda dəstək göstərməyə hazır olduğunu bildirib.
Xatırladaq ki, Suriya Prezidenti Əhməd əl-Şəraa ölkənin yeni hökumətinin tərkibini təqdim edib. Yeni hökumətdə yalnız bir qadın yer alıb. Hökumətin əksər yerləri isə əl-Şəraanın tərəfdarlarına verilib.
