"Real Madrid" öz meydanında "Valensiya" ya məğlub olub - İspaniya La Liqası

BAKI, AzerVoice

İspaniya La Liqasının 30-cu turunda "Real Madrid" öz meydanında "Valensiya"ya 2-1 hesabı ilə məğlub olub.

AzerVoice xəbər verir ki, "Valensiya"nın ilk qolunu 15-ci dəqiqədə Muktar Diakabi, ikinci qolunu isə 95-ci dəqiqədə Huqo Duro vurub. "Real Madrid"in yeganə qolunu isə 50-ci dəqiqədə Vinisius Junior vurub. Lakin o, oyunun 13-cü dəqiqəsində penalti zərbəsini boşa verib.

Bu nəticə ilə "Valensiya" 17 ildən sonra ilk dəfə "Santyaqo Bernabeu"da "Real Madrid"i məğlub etməyi bacarıb. Üstəlik, bu, onların cari mövsümdə ilk səfər qələbəsi olub.

Oyun nəticəsində Real Madrid turnir cədvəlində bir oyun artıq keçirməsinə baxmayaraq lider "Barselona"dan üç xal geridə qalıb.

"Real Madrid" növbəti turda səfərdə "Alaves"in qonağı olacaq.