Bakı,AzerVoice
Dünən keçirilən oyunlarla UEFA Millətlər Liqasının qrup yarışlarına yekun vurulub.
AzerVoice xəbər verir ki, noyabrın 22-də keçiriləcək püşkatma ilə 1/4 final və pley-off cütlükləri müəyyənləşəcək.
UEFA Millətlər Liqasının 1-ci qrupunda Portuqaliya 14 xalla lider, Xorvatiya isə 8 xalla ikinci olub. 2-ci qrupda 13 xalı olan komandalar arasında Fransa lider, İtaliya isə 2-ci yerdə qərarlaşıb. Almaniya 3-cü qrupda birinci, Hollandiya ikinci olub. 4-cü qrupda son Avropa Çempionu İspaniya 6 görüşdə 16 xal toplayaraq qrup lideri olub. İspaniyanı 8 xalla Danimarka izləyib.
UEFA Millətlər A Liqasında qruplarını ilk 2 pillədə başa vuran komandalar 1/4 finala yüksəlməyi bacarıb.
1/4 final cütlükləri noyabrın 22-də keçiriləcək püşkatma ilə müəyyənləşəcək.
Qruplarını üçüncü yerdə başa vuran komandalar B Liqasında qruplarını ikinci yerdə başa vuran komandalarla pley-offda oynayacaqlar. Qarşılaşmaların qalibləri A Liqasında davam edəcək.
