Quba,AzerVoice
18 dekabr 2024-cü il tarixində Mediasiya Şurası nümayəndə heyətinin
Quba şəhərinə səfəri baş tutub. Səfərdə Mediasiya Şurası İdarə
Heyətinin sədri Nadir Adilov, mediasiya təşkilatı rəhbərləri və
mediatorlar iştirak edib. Bu haqda AzerVoice Mediasiya Şurasından
bildiriblər.
“Səfər çərçivəsində Mediasiya Şurasının üzvləri ilk olaraq
ümummilli lider Heydər Əliyevin abidəsini ziyarət edib, abidə önünə
gül dəstələri qoyaraq xatirəsini ehtiramla yad ediblər
Daha sonra nümayəndə heyəti Quba Şəhər İcra Başçısı İlqar Mahmudov
ilə görüşüb.
Görüş zamanı Quba Rayon İcra Hakimiyyəti başçısı İlqar Mahmudov
Azərbaycan Respublikasının Prezidenti cənab İlham Əliyev tərəfindən
aparılan islahatların Quba rayonunda yüksək səviyyədə icra edilməsi
ilə bağlı fikirlərini və rayonda görülən işləri diqqətə çatdırıb və
qeyd edib ki, Azərbaycan Respublikasının Prezidenti cənab İlham
Əliyev tərəfindən imzalanmış “Mediasiya haqqında” Azərbaycan
Respublikasının Qanununa uyğun olaraq Mediasiya Şurasının
fəaliyyəti və Quba rayonunda mediasiya təşkilatının fəaliyyətə
başlaması təqdirəlayiq işdir. O, qeyd edib ki, Quba 1 saylı
mediasiya təşkilatının fəaliyyətinə İcra Hakimiyyəti tərəfindən
xüsusi diqqət var və təşkilatın üzərinə düşən fəaliyyətin həyata
keçirilməsi üçün təşkilatla əməkdaşlığa hər cür şərait
yaradılıb.”-deyə məlumatda qeyd olunur.
Məlumatda o da qeyd edilir ki,
Mediasiya Şurasının İdarə Heyətinin sədri Nadir Adilov Quba Rayon
İcra Hakimiyyətinin başçısı İlqar Mahmudova səmimi qəbul üçün və
Mediasiya Şurasının, Quba 1 saylı MT-nın fəaliyyətinə verdiyi
dəstək üçün xüsusi təşəkkür edib.
“Nadir Adilov mediasiya sahəsində görülən işlər barədə Quba Rayon
İcra başçısı İlqar Mahmudova məlumat verib, görülən işləri diqqətə
çatdırıb. N. Adilov qeyd edib ki, bütün mediasiya təşkilatlarının
rəhbərlərinə tövsiyə edilib ki, işlərini Azərbaycan Respublikasının
Prezidenti cənab İlham Əliyevin apardığı siyasətə uyğun olaraq
yerli icra hakimiyyətləri və yerli qurumlarla əlaqələndirilmiş
əməkdaşlıq şəraitində qursunlar. Bu əməkdaşlıq ümumi dövlət
siyasətinin həyata keçirilməsi üçün çox zəruridir. Görüş
çərçivəsində Azərbaycan xalqının ümummilli lideri Heydər Əliyevin
xüsusi hazırlanmış xalça portreti Quba Rayon İcra Hakimiyyətinə
ümummilli liderin xatirisinə ehtiram və hörmət əlaməti olaraq
hədiyyə edilib”-deyə məlumatda qeyd edilir.
