Qazaxıstanın Uralsk şəhərində fəaliyyət göstərən "Milli Maarif
Cəmiyyəti" İctimai Birliyi Azərbaycan Mədəniyyət Günləri
keçirib.
AzerVoice xəbər verir ki, bu barədə Diasporla İş üzrə
Dövlət Komitəsi məlumat yayıb.
Bildirilib ki, tədbirdə təşkilatın Ağsaqqallar Şurasının,
Gənclər Birliyinin üzvləri, Qazaxıstan Xalqı Assambleyasının
bölgədəki filialının təmsilçiləri, diaspor nümayəndələri və yerli
xalq iştirak edib.
Birliyin rəhbəri Nəcəf Məmmədov çıxış edərək qonaqlara
Azərbaycanın tarixi, mədəniyyəti haqqında məlumat verib.
Tədbirdə Azərbaycanın mədəniyyətini özündə əks etdirən
suvenirlər, musiqi alətləri, geyimlər sərgilənib, milli rəqslər
nümayiş olunub.
Sonda fəal diaspor nümayəndələrinə təşəkkürnamələr təqdim
edilib.
