BAKI, AzerVoice
Ümrə zəvvarlarının Krallığa giriş və çıxışı üçün son tarixlər açıqlanıb
AzerVoice xəbər verir ki, Səudiyyə
Ərəbistanının Həcc və Ümrə Nazirliyi 2025-ci il Həcc mövsümünə
hazırlıq çərçivəsində Ümrə ziyarəti üçün ölkəyə daxilolma və tərk
etmə tarixlərini açıqlayıb.
Nazirlik Ümrə zəvvarlarının Krallığa daxil olması üçün son günün 13
aprel 2025-ci il (bazar günü), ölkəni tərk etmələri üçün son tarix
isə 29 aprel (çərşənbə axşamı) olduğunu bildirib.
Açıqlamada qeyd edilib ki, müəyyən olunmuş tarixlərdən sonra Krallıqda qalmaq qanun pozuntusu sayılacaq və cəzalandırılacaq. Nazirlik həmçinin Ümrə ziyarəti ilə məşğul olan şirkətləri və qurumları zəvvarların müəyyən vaxtlarda yola düşməsini təmin etməyə çağırıb.
Qeyd edək ki, məlumata əsasən, Ümrə ziyarətçilərinin vaxtında yola salınması barədə məlumat verməyən şirkətlərə qarşı 100 min riala qədər cərimə və digər qanuni tədbirlər tətbiq edilə bilər.
