Bakı, AzerVoice
Səudiyyə Ərəbistanının müdafiə naziri şahzadə Xalid bin Salman bin Əbdüləziz iraqlı həmkarı Sabet Məhəmməd Əl-Abbası bazar ertəsi Ər-Riyadda qəbul edib.
AzerVoice ArabAZ-a istinadən xəbər verir ki,görüş zamanı nazirlər müdafiə sahəsində əməkdaşlığın genişləndirilməsini müzakirə ediblər və ölkələri arasında əlaqələri nəzərdən keçiriblər. Söhbət zamanı regional hadisələr və gərginliyin azaldılması istiqamətində görülən işlər barədə fikir mübadiləsi aparılıb, qarşılıqlı maraq doğuran digər məsələlər müzakirə olunub.
Görüş zamanı Səudiyyə Ərəbistanı və İraqın müdafiə nazirlikləri arasında hərbi sahədə əməkdaşlığı gücləndirmək üçün anlaşma memorandumu imzalanıb.
Görüşdə Səudiyyə Ərəbistanı və İraqın yüksək rütbəli hərbi və diplomatik rəsmiləri iştirak edib.
