BAKI,AzerVoice
Qazaxıtsan prezidenti Kasım-Jomart Tokayev ilə Serbiya Prezidenti Aleksandar Vuçiç arasında telefon danışığı olub.
AzerVoice xəbər verir ki, Söhbət zamanı dövlət başçıları ikitərəfli əməkdaşlığın dinamik inkişafını yüksək qiymətləndirib və Qazaxıstan-Serbiya münasibətlərinin daha da möhkəmləndirilməsinə qarşılıqlı maraq ifadə ediblər.
Tərəflər, Tokayevin 2024-cü ilin noyabrında Belqrada etdiyi rəsmi səfəri çərçivəsində əldə olunmuş razılaşmaların icra vəziyyətini müzakirə ediblər.
Dövlət başçıları ticarət-iqtisadi və investisiya əlaqələrinin aktivləşdirilməsinin əhəmiyyətini vurğulayıb, həmçinin sənaye, energetika, tikinti, kənd təsərrüfatı, rəqəmsallaşma, nəqliyyat və logistika sahələrində birgə təşəbbüslərin praktiki həyata keçirilməsinə diqqət çəkiblər.
Söhbətin sonunda Kasım-Jomart Tokayev Aleksandar Vuçiçi Qazaxıstana rəsmi səfərə dəvət edib.
