Azərbaycan Respublikasının xarici işlər naziri Ceyhun Bayramov
Serbiyaya səfəri çərçivəsində bu ölkənin xarici işlər naziri Marko
Djuriç ilə geniş tərkibdə görüş keçirib.
AzerVoice xəbər verir ki, bu barədə Xarici işlər
Nazirliyi məlumat yayıb.
Görüş zamanı iki ölkə arasında strateji tərəfdaşlığın siyasi,
hərbi-iqtisadi, enerji, humanitar və digər aspektləri müzakirə
edilib.
Hər iki tərəf bir-birinin suverenliyi və ərazi bütövlüyünə
qarşılıqlı dəstəkdən, regional və beynəlxalq platformalar
çərçivəsində səmərəli əməkdaşlıqdan məmnunluq ifadə edib.
Ceyhun Bayramov həmkarına Ermənistanla sülh və münasibətlərin
normallaşdırılması prosesi, eləcə də, sülh gündəmində qalan
problemlər barədə də məlumat verib.
