Bakı,AzerVoice
NASA-nın yeni məlumatlarına görə, 2024 YR4 asteroidi Yer kürəsinin
ən sıx məskunlaşmış bölgələrindən birinə çarpa bilər.
AzerVoice xəbər verir ki, kosmik
agentlik asteroidin 2032-ci ildə planetlə toqquşma ehtimalını 3,1%
qiymətləndirir ki, bu da indiyədək qeydə alınan ən yüksək
təhlükədir.
Risk dəhlizi Sakit Okeanın şərqi, Cənubi Amerikanın şimalı, Atlantik okeanı, Afrika və cənubi Asiyanı əhatə edir. Təhlükə altında olan şəhərlər arasında Boqota (11,6 milyon əhali), Mumbay (18,4 milyon) və Dəkkə (23,9 milyon) var.
Qeyd edək ki, 2024 YR4 ilk dəfə 27 dekabr 2024-cü ildə Çilidə NASA-nın maliyyələşdirdiyi teleskop tərəfindən kəşf edilib. Asteroidin ölçüsü 40-90 metr arasında hesablanır ki, bu da Azadlıq Heykəlinə bərabərdir. O, Torino şkalası üzrə 3 bal alıb, halbuki digər müşahidə edilən asteroidlər sıfır reytinqinə malikdir.
NASA və ESA asteroidin müşahidələrini aprel ayına qədər davam etdirəcək. 2025-ci ilin martında James Webb Teleskopu onun ölçüsünü dəqiqləşdirəcək. Əgər risk artarsa, fövqəladə hallar üzrə qruplar xəbərdar ediləcək və planet müdafiə missiyaları nəzərdən keçiriləcək.
