Hava hücumundan müdafiə sisteminin zərbəsi 2024-cü il dekabrın
25-də Aktau yaxınlığında qəzaya uğrayan "Azərbaycan Hava Yolları"na
məxsus təyyarənin hidravlikasını sıradan çıxarıb.
AzerVoice
xəbər verir ki, bu barədə Qazaxıstan Nəqliyyat Nazirliyinin dərc
etdiyi aviaqəzanın təhqiqatına dair ilkin hesabatda deyilir.
Hesabatda hava hücumundan müdafiə sisteminin raketinin qəlpələri
ilə zədələnmiş hidravlik sistemləri əks etdirən fotoşəkillər təqdim
olunur.
Məhz bu səbəbdən təyyarə sükan idarəetməsini itirib və ekipaj
mühərrikin təkanını tənzimləyərək Aktauya çatmağa çalışıb. Bu
manevr zədələnmiş təyyarəni ən azı qismən idarə etməyin yeganə yolu
olaraq qalırdı.
