Bakı, AzerVoice
Çin mənşəli sosial şəbəkə tətbiqi TikTok ABŞ-da fəaliyyətini
yenidən bərpa edib.
AzerVoice xəbər verir ki, ABŞ-dakı TikTok istifadəçiləri, proqramı açdıqda “Xoş gəlmisiniz” mesajı ilə qarşılaşıblar.
“Səbriniz və dəstəyiniz üçün təşəkkür edirik. Prezident Donald Trampın səyləri nəticəsində TikTok ABŞ-a qayıtdı.” - deyə tətbiqə gələn mesajda bildirilib .
TikTok, xidmət təminatçıları ilə əldə edilən razılaşmaya əsasən xidmətini bərpa etdiyini açıqlayıb. Şirkət, bu səbəbdən yeni ABŞ Prezidentinə öz minnətdarlığını bildirib.
Açıqlamada, bunun “ixtiyari senzura ilə mübarizə mövqeyi” olduğu vurğulanıb. TikTok, ABŞ-da qalıcı fəaliyyət göstərmək üçün Prezident Tramp ilə uzunmüddətli həll yolu tapmaq üzərində çalışacaqlarını bildirib.
Qeyd edək ki, Donald Tramp, Truth Social platformasında TikTok-un ABŞ-da qadağan edilməsini təxirə salmaq üçün icra sərəncamı imzalayacağını açıqlamışdı.
Tramp əlavə edib ki, TikTok-un ABŞ-da qalması üçün tələblərdən biri isə onun yarısının amerikalılara aid olmasıdır.
