Bakı, AzerVoice
Həmas İsraillə potensial sülh sazişinin ilk mərhələsində azad etməyi planlaşdırdığı 34 əsirin siyahısını BBC-ə açıqlayıb.
AzerVoice-in məlumatına görə, təqdim olunan siyahıda uşaqlarla yanaşı, yaşları 50-85 arasında olan 10 qadın və 11 qoca kişi yer alır. BBC-yə təqdim olunmuş siyahıda olan şəxslərin arasında xəstə əsirlərin də yer aldığı vurğulanıb.
Məlumata görə, bundan əvvəl Həmas həmin əsir uşaqların İsrail aviazərbələri nəticəsində həlak olduğunu iddia edirdi. Hal-hazırda Həmasın əsirliyində (və ya əsarətində) ümumilikdə neçə əsirin olduğu dəqiq məlum deyil.
Qeyd edilir ki, İsrail baş nazirinin ofisi Həmasın İsrail tərəfinə əsir siyahısı təqdim etmədiyini bildirib.
Qeyd edək ki, Yaxın Şərqdə silahlı münaqişənin dayandırılması üçün tərəflər arasında aparılan danışıqlar həftəsonu Qətərin Doha şəhərində davam edib. Danışıqlarda hələ ki, hər hansı irəliləyiş əldə olunmayıb.
