34
BAKI, AzerVoice
İran, əgər ABŞ prezidenti Donald Trampın potensial nüvə
sazişindən çıxmayacağına dair ona zəmanətlər verilsə, uranın
zənginləşdirilməsinin səviyyəsini azaltmağa hazırdır.
AzerVoice xəbər verir ki, bu barədə yüksək
rütbəli İran rəsmisi məlumat verib.
Məlumata görə, İranın ali lideri Əli Xamenei “qırmızı xətlər” müəyyən edib. Bu çərçivədə, ABŞ-la aparılan danışıqların nəticəsindən asılı olmayaraq, İran İslam Respublikası uran zənginləşdirmə sentrifuqalarını sökməyəcək və zənginləşdirməni tamamilə dayandırmayacaq.
Rəsminin sözlərinə görə, İran həmçinin, 2015-ci il nüvə sazişi çərçivəsində razılaşdırılan səviyyədən aşağı düşəcək şəkildə zənginləşdirilmiş uran ehtiyatlarını azaltmağa da razı deyil.
