BAKI, AzerVoice
Tramp administrasiyası 6 mindən çox immiqrantı ölü kimi göstərməkdə ittiham olunur
AzerVoicexəbər verir ki, ABŞ-ın sabiq
prezidenti Donald Trampın rəhbərlik etdiyi administrasiyanın 6
mindən çox immiqrantı sistemdə ölü kimi göstərərək ölkəni tərk
etməyə məcbur etdiyi iddia edilir.
Washington Post qəzetinin adı açıqlanmayan dörd mənbəyə əsasən
yaydığı məlumata görə, bu şəxslərin Sosial Müdafiə nömrələri də
ləğv edilib.
Mənbələrin bildirdiyinə görə, bu addımın məqsədi qeyri-qanuni miqrantların bank hesabı açmaq, işləmək və sosial yardım almaq imkanlarını məhdudlaşdıraraq onları könüllü şəkildə ABŞ-dan çıxmağa vadar etmək olub. İddiaya əsasən, sözügedən şəxslər Co Bayden administrasiyası dövründə müvəqqəti olaraq qəbul olunmuş, lakin daha sonra hüquqi statuslarını itirmiş immiqrantlardır.
Ağ Evdən şəxsiyyətini açıqlamayan bir rəsmiyə istinadən verilən məlumata görə, bu şəxslərin əksəriyyətinin cinayət keçmişi olduğu və bəzilərinin Federal Təhqiqat Bürosunun izləmə siyahısında yer aldığı qeyd edilib.
Qeyd edək ki, bu iddialarla bağlı nə ABŞ Sosial Müdafiə İdarəsi (SSA), nə də digər rəsmi orqanlar hələlik rəsmi açıqlama verməyib. Məsələ ictimai və siyasi dairələrdə ciddi rezonans doğurub.
