BAKI, AzerVoice
ABŞ və Cənubi Koreya hərbi dəniz təlimlərini genişləndirir
AzerVoice xəbər verir ki, ABŞ və
Cənubi Koreya silahlı qüvvələri Çanqvon sahillərində birgə
hərbi-dəniz təlimləri həyata keçirib.
Təlimlərin əsas məqsədi dənizdə xilasetmə imkanlarının artırılması
olub.
Cənubi Koreya Hərbi Dəniz Qüvvələrinin yaydığı açıqlamada qeyd olunur ki, aprelin 7-də başlayan təlimlərdə “Qvanqyan” xilasetmə gəmisinin heyəti, Dənizdə Xilasetmə Bölməsi və ABŞ Səyyar Dalğıc və Xilasetmə Birliyinin əsgərləri iştirak ediblər. Onlar gündəlik təlim çərçivəsində batmış gəminin simulyasiyası ilə itkin düşmüş personalın axtarışını həyata keçiriblər.
Qeyd edək ki, təlimlərə müşahidəçi qismində İngiltərə və Avstraliya hərbi personalı da qatılıb. Bu cür təlimlər ABŞ və Cənubi Koreya arasında hərbi əməkdaşlığın gücləndirilməsi baxımından mühüm əhəmiyyət daşıyır.
