BAKI, AzerVoice
Nepalda baş verən genişmiqyaslı meşə yanğınları insan tələfatına və yaralanmalara səbəb olub, bir neçə nəfərin taleyi isə hələ də naməlumdur.
AzerVoice xəbər verir ki, son iki
gündə Cənub-Şərqi Asiya ölkəsi Nepalda müxtəlif bölgələrdə yayılan
meşə yanğınları nəticəsində 4 nəfər ölüb, 3 nəfər isə
yaralanıb.
Panchthar rayonunda yem yığmaq üçün meşəyə gedən iki qadın yanıq
xəsarətləri alaraq həyatlarını itiriblər. Onların Katmandudakı
xəstəxanaya aparılarkən öldükləri bildirilir.
Qeyd edək ki, ötən gecə Nepalın mərkəzindəki Palpa rayonunda yanğını söndürməyə çalışan bir nəfər uçurumdan yıxılaraq həlak olub. Həmin ərazidə daha dörd nəfər isə itkin düşüb. Axtarış-xilasetmə işləri davam edir.
Rəsmi mənbələr bildirir ki, hazırda ölkənin bir neçə bölgəsində aktiv meşə yanğınları müşahidə olunur və alovun qarşısını almaq üçün könüllülər və fövqəladə hallar xidməti əməkdaşları səfərbər edilib.
