BAKI, AzerVoice
Donald Trampın elan etdiyi yeni tariflər 1930-cu ildə ABŞ-ın tətbiq etdiyi Smooth-Hawley Aktı ilə müqayisə edilir və iqtisadiyyat üçün təhlükəli nəticələr doğura biləcəyi bildirilir.
AzerVoice xəbər verir ki, ABŞ
prezidenti Donald Tramp aprelin 2-də yeni ikitərəfli tarifləri elan
edərək qlobal iqtisadiyyatda yeni gərginlik yaradıb.
Trampın bu addımı Çin, Kanada, Cənubi Koreya və Avropa ölkələrinin
sərt reaksiyasına səbəb olub. Avropa Birliyi cavab tədbirləri
hazırladığını bəyan edib, iqtisadçılar isə bunun qlobal ticarət
müharibəsinə yol aça biləcəyini bildirirlər.
Qeyd edək ki, ABŞ daha əvvəl də 1930-cu ildə Böyük Depressiyanın təsirlərini azaltmaq məqsədilə Smooth-Hawley Aktını qəbul etmişdi. Lakin bu qanun əks nəticə verərək iqtisadi geriləməni daha da dərinləşdirmiş və dünya ticarətində 66 faizlik azalmaya səbəb olmuşdu. İşsizlik nisbətini azaltmaq üçün nəzərdə tutulan qanun, əksinə, bu göstəricini 8 faizdən 25 faizə yüksəltmişdi.
İqtisadçılar Trampın tarif siyasətinin oxşar nəticələr doğura biləcəyini, qlobal ticarət əlaqələrinə ciddi zərbə vuracağını və ABŞ iqtisadiyyatına uzunmüddətli mənfi təsir göstərə biləcəyini vurğulayırlar.
