BAKI, AzerVoice
NATO, Qrenlandiyanın Danimarkanın bir hissəsi olaraq qalmalı olduğunu hesab edir.
AzerVoice xəbər verir ki, bu sözləri NATO-nun baş katibi Mark Rutte Brüsseldə keçirilən mətbuat konfransında deyib.
O həmçinin bildirib ki, NATO Arktikada Rusiya və Çinə bütün Arktika bölgəsində yerləşən NATO ölkələrini fəal əməkdaşlığa çağırır.
“Qrenlandiya Danimarkanın bir hissəsidir və olmağa davam edəcək. Lakin bu məsələ Arktikaya nəzarətlə bağlı daha geniş bir kontekstdə dəyərləndirilməlidir. Burada ABŞ da daxil olmaqla bütün Arktikadakı NATO ölkələri Rusiya və Çinə qarşı birgə şəkildə fəal əməkdaşlıq etməlidirlər”, – deyə Rutte bildirib.
O, həmçinin NATO ölkələrinin “buzqıran gəmilərinin" çatışmazlığına xüsusi diqqət çəkib.
Xatırladaq ki, ABŞ prezidenti Donald Tramp, verdiyi müsahibədə Qrenlandiyanı alacağından 100 faiz əmin olduğunu bildirmişdi.
Müsahibə zamanı, Tramp, məqsədinə çatmaq üçün heçvaxt hərbi gücü istisna etməyəcəyini bildirib. Lakin o, bu məslənin sülh yolu ilə həllini "yaxşı bir ehtimal" kimi qiymətləndirib.
"Məsələ dünya sülhüdürsə, heç nəyi istisna etməyəcəm", - deyə Tramp bildirib.
Tramp, Qrenlandiyanın alınmasnın Rusiyaya və Dünyaya necə bir mesaj olacağı sualına "Bu barədə düşünmürəm, həqiqəntə əhəmiyyətli deyil" deyə cavablandırıb.
