BAKI, AzerVoice
ABŞ-da yüksək rütbəli təhlükəsizlik məmurunun şəxsi elektron poçt hesabından həssas hərbi məlumatlar göndərməsi təhlükəsizlik zəifliyi ilə bağlı suallar doğurub.
AzerVoice xəbər verir ki, məlum olub
ki, ABŞ-ın Yəməndəki hücumlarına başlamazdan əvvəl bir mesajlaşma
qrupunda bu planlar müzakirə edilib.
İddiaya görə, Milli Təhlükəsizlik Müşavirinin köməkçisi Mayk Vals
şəxsi e-poçt hesabından kritik məlumatlar göndərib. Onun davam edən
münaqişələrlə bağlı həssas hərbi nöqtələr və silah sistemləri
haqqında məlumatları digər dövlət qurumlarının əməkdaşları ilə
paylaşdığı bildirilib.
Mütəxəssislər şəxsi e-poçtların belə məlumatların ötürülməsi üçün istifadəsinin riskli olduğunu vurğulayırlar. Milli Təhlükəsizlik Şurasının sözçüsü Brayan Hughes isə Valsın gizli məlumatları açıq hesablardan göndərmədiyini bildirib.
Qeyd edək ki, keçən ay The Atlantic jurnalının redaktoru Cefri Qoldberq yazısında Tramp administrasiyasının səhvən ona müharibə planlarını mesajla göndərdiyini açıqlamışdı. ABŞ rəsmilərinin də yer aldığı bir mesajlaşma qrupunda Yəməndə husilərə qarşı hücumlarda istifadə ediləcək silahlar və hədəflər haqqında məlumatların paylaşıldığı iddia edilir.
