BAKI, AzerVoice
Yaponiya hökuməti meqa zəlzələ ilə bağlı yayımladığı hesabatda 298 min insanın həyatını itirə biləcəyini açıqlayıb.
AzerVoice xəbər verir ki, 2011-ci ildəki 9 bal
gücündəki zəlzələ və sunamidən sonra Yaponiya hökuməti yeni
potensial fəlakətlə bağlı araşdırma aparıb.
Hesabatda, Sakit okean sahillərində yerləşən Nankai çökəkliyində 9
bal gücündə yeni bir zəlzələnin baş verə biləcəyi və bunun
hündürlüyü 10-30 metr arasında dəyişən sunami dalğalarına səbəb ola
biləcəyi bildirilib.
Qeyd edək ki, 2011-ci il martın 11-də baş verən Böyük Şərqi Yaponiya Zəlzələsi nəticəsində minlərlə insan həyatını itirmiş, Fukusima nüvə stansiyasında isə ciddi fəlakət yaşanmışdı. Yeni hesabat mümkün təhlükəyə qarşı ciddi tədbirlərin görülməsini zəruri edir.
