Bakı, AzerVoice
Cənubi Koreyanın cənub-şərqində başlayan meşə yanğınları təxminən 15 min hektar ərazini yandırıb.
AzerVoice xəbər verir ki, Ulsan şəhəri və ətrafını təsir edən meşə yanğınlarına müdaxilələr davam edir.
Son vəziyyətlə bağlı açıqlama verən daxili işlər nazirinin müavini Ko Ki-donq martın 21-dən bəri davam edən yanğınların 15 min hektar meşə sahəsini məhv etdiyini açıqlayıb.
Ko, 110 helikopter və 6700 nəfərdən ibarət qrupların müdaxilə etdiyi yanğınlar zamanı 3300-dən çox insanın təxliyə edildiyini bildirib.
Yanğının yaşayış məntəqələrinə keçməsinin qarşısını almaq üçün işlərin davam etdiyini qeyd edən Ko, quru hava və güclü külək səbəbindən işlərin dayandırıldığını bildirib.
Ko, bu il ölkə üzrə ümumilikdə 234 meşə yanğınının baş verdiyini və bunların əksəriyyətinin səhlənkarlıq nəticəsində baş verdiyini bildirib.
Digər tərəfdən, Cənubi Koreya Müdafiə Nazirliyi yanğınlarla mübarizəyə kömək etmək üçün təxminən 5 min personal və 146 helikopter ayırdıqlarını açıqlayıb.
- Cənubi Koreyada meşə yanğınları
Cənubi Koreya hökuməti Ulsan şəhəri, Şimali Gyeongsang və Cənubi Gyeongsang əyalətləri də daxil olmaqla cənub-şərq bölgələrində meşə yanğınları səbəbindən milli fəlakət vəziyyəti elan edib.
Martın 21-də Sancheongda başlayan və Ulsan şəhəri də daxil olmaqla ətraf ərazilərə yayılan yanğınlarda 4 nəfər ölüb, 15 nəfər yaralanıb, 1500-ə yaxın insan təxliyə edilib.
Ölkə üzrə 16 müxtəlif yerdə meşə yanğınları qeydə alınıb.
