BAKI, AzerVoice
ABŞ Prezidenti Donald Trump-a qarşı 13 iyul 2024-cü ildə həyata keçirilən sui-qəsd cəhdində onu qoruyan Sean Curran, ABŞ Gizli Xidmətinin (Secret Service) yeni rəhbəri olaraq vəzifəyə başladı.
AzerVoice xəbər verir ki, Curran bu gün Ağ Evdə keçirilən rəsmi mərasimdə and içərək vəzifəsinin icrasına başlayıb. Mərasimdə çıxış edən Prezident Trump, Curran-ın fədakarlığını və peşəkarlığını vurğulayaraq, onun bu vəzifədə uğur qazanacağına tam əmin olduğunu bildirib.
Xatırladaq ki, 13 iyulda Pensilvaniyanın Butler bölgəsində Trump-ın mitinqi zamanı sui-qəsd cəhdi baş verib. Hadisə nəticəsində bir nəfər həlak olub, iki nəfər yaralanıb. FBI hücumu rəsmi olaraq sui-qəsd cəhdi kimi qiymətləndirib və 20 yaşlı hücumçunun Thomas Matthew Crooks olduğunu açıqlayıb.
Sui-qəsd cəhdindən sonra ABŞ Gizli Xidməti təhlükəsizlikdəki nöqsanlara görə ciddi tənqidlərə məruz qalmışdı. Curran-ın rəhbərliyə gətirilməsi agentliyin effektivliyini artırmaq və oxşar hadisələrin qarşısını almaq məqsədi daşıyır.
