50
BAKI, AzerVoice
Amerika prezidenti Donald Tramp bildirib ki, o, ABŞ-ın Qəzzə sektoruna nəzarət edib, onu turizm məkanı halına gətirərək, oradan fələstinliləri məcburi köçürtməyi nəzərdə tutan planını tətbiq etməyəcək.
AzerVoice xəbər verir ki, «Fox News» şəbəkəsi ilə
müsahibədə Tramp, planının hələ də yeni bir fikir olduğuna
inandığını və Misir ilə İordaniyanın ona qarşı mənfi münasibətinə
görə "heyrətə düşdüyünü" qeyd edib.
"Məncə, bu həqiqətən uğur qazanacaq plandır, amma mən onu məcbur
etməyəcəyəm. Sadəcə geri çəkiləcəyəm və onu tövsiyə edəcəyəm."-deyə
o bildirib.
Daha əvvəl Tramp bildirib ki, Misir və İordaniya Qəzzədən əlavə qaçqın qəbul etməyə razı olmadıqları təqdirdə, onlara maliyyə yardımlarını kəsmə təhdidini verməyəcəkdi.
