Bakı,
AzerVoice
Yunanıstanın Mülki Müdafiə Baş Katibliyi Santorini adasında artan
seysmik fəaliyyət səbəbindən martın 1-dək fövqəladə vəziyyət elan
edib.
AzerVoice xəbər verir ki, Dövlət
televiziyası ERT xəbər verir ki, son günlər Egey dənizi bölgəsində
baş verən intensiv yeraltı təkanlar Santorini adasında təhlükəni
artırıb.
Ekspertlər yeraltı təkanlar səbəbindən sürüşmə riskinə diqqət çəkib
və yerli sakinlərə ehtiyatlı olmağı tövsiyə ediblər.
Belə ki, son 10 gün ərzində adada 7700-dən çox kiçik zəlzələ qeydə alınıb. Seysmik fəaliyyətin artması adanın geoloji sabitliyinə ciddi təsir göstərir.
Güclü zəlzələ riskinə qarşı adaya əlavə əsgərlər, polis və yanğınsöndürənlər göndərilib. Afinadan gələn ekspertlər qrupu bölgədəki binaların təhlükəsizliyini yoxlamağa başlayıb.
Bu vəziyyət Santorini sakinləri və turistlər üçün ciddi narahatlıq yaradıb. Mütəxəssislər vəziyyəti yaxından izləyir və ehtiyat tədbirlərinin gücləndirildiyini bildirirlər.
