Bakı,AzerVoice
ABŞ prezidenti Donald Tramp Qəzzada atəşkəsin davam edəcəyinə dair
heç bir zəmanətin olmadığını bildirib.
AzerVoice xəbər verir ki , Oval Ofisdə
jurnalistlərin suallarını cavablandıran Tramp, atəşkəsin davamlı
olub-olmayacağına dair konkret təminat verə bilməyəcəyini
vurğulayıb.
"Bunun davam edəcəyinə dair bir əminliyim yoxdur. Bu razılaşmanın
davam edəcəyinə dair heç bir zəmanətimiz yoxdur." - deyə
bildirib.
Tramp həmçinin sabah Ağ Evdə İsrailin baş naziri Benyamin Netanyahu ilə görüşəcəyini və görüş zamanı bölgədəki vəziyyətin hərtərəfli müzakirə olunacağını bildirib.
İşğal altındakı İordan çayının qərb sahilinin İsrail tərəfinə birləşdirilməsi ilə bağlı suala isə Tramp konkret cavab verməkdən yayınıb. Bununla belə, İsrailin Yaxın Şərqdə “çox kiçik bir torpaq sahəsinə malik olduğunu” qeyd edib.
