Bakı , AzerVoice
ABŞ administrasiyası ölkənin ən böyük beynəlxalq yardım
agentliyi olan ABŞ Beynəlxalq İnkişaf Agentliyini (USAID) bağlamağı
və ya onun fəaliyyətini əhəmiyyətli dərəcədə məhdudlaşdırmağı
planlaşdırır.
AzerVoice xəbər verir ki, Prezident
Donald Tramp və sahibkar Elon Musk USAID-i sərt tənqid edərək,
agentliyi "radikal lunatiklər" və "cinayətkar təşkilat" kimi
xarakterizə ediblər.
USAID-in Vaşinqtondakı baş qərargahı artıq bağlanıb, işçilərin əksəriyyəti məzuniyyətə göndərilib və agentliyin rəsmi veb-saytı fəaliyyətini dayandırıb.
Tramp administrasiyası USAID-in fəaliyyətini Dövlət Departamentinə birləşdirməyi və onun büdcəsini əhəmiyyətli dərəcədə azaltmağı planlaşdırdığını bildirib. .
Elon Musk isə, hökumətin xərclərini azaltmaq məqsədilə USAID-in bağlanmasını müdafiə edir və bu barədə Prezident Tramp ilə razılığa gəldiyini açıqlayıb.
Xatırladaq ki, USAID 1961-ci ildə yaradılıb və ABŞ-ın xarici yardımının təxminən 60%-ni idarə edir. Agentlik qlobal miqyasda yoxsulluqla mübarizə, xəstəliklərin qarşısının alınması və humanitar yardım kimi sahələrdə fəaliyyət göstərir.
