Bakı, AzerVoice
Keçən il ABŞ-da mübahisələrə səbəb olan "sirli" pilotsuz
təyyarələrin, Federal Aviasiya Administrasiyasının (FAA) nəzarəti
altında uçduğu məlum olub.
AzerVoice xəbər verir ki, 2024-cü ilin
son aylarında, xüsusən Nyu Cersi və Nyu York əyalətlərində görülən
"sirli" dronlarla bağlı xəbərlər yayıldıqdan sonra, Ağ Evin sözçüsü
Karoline Leavitt, FAA-nın Nyu Cersidə bu dronlara uçuş icazəsi
verdiyini açıqlayaraq, məsələnin maraq doğurduğunu vurğulayıb.
Leavitt, dronların başqa ölkələr tərəfindən uçurulması ilə bağlı narahatlıqları rədd edərək, bunun "düşmən hadisəsi" olmadığını bildirib.Belə ki, ilk dəfə 2024-cü ilin noyabr ayında Nyu Cersidə və Nyu-Yorkda görülən bu "sirli" dronlar sosial mediada yayılıb və narahatlıqlara səbəb olub. Lakin Ağ Ev, bu pilotsuz təyyarələrin təhlükəsizliyə təhdid yaratdığına dair heç bir sübut olmadığını açıqlayıb.
Həmçinin, ABŞ prezidenti Donald Trump da Mar-a-Laqoda keçirilən mətbuat konfransında, ABŞ ordusunun bu dronların harada qalxdığını və endiyini bildiyini, amma niyə bu barədə açıqlama verilmədiyini soruşmuşdu. Trump, ictimaiyyətin bu məsələdə şübhə altında qoyulduğunu və məsələyə aydınlıq gətirilməsi lazım olduğunu qeyd edib.
