Bakı, AzerVoice
Dünən rəsmi olaraq vəzifəyə başlayan ABŞ Prezidenti Donald Tramp
TikTok-un qadağasını 75 gün müddətinə təxirə salmaq üçün icra
sərəncamı imzalayıb.
AzerVoice xəbər verir ki, Ağ Evdə
keçirilən mərasimdə imzalanan fərman Ədliyyə Nazirliyinə qadağanın
tətbiqini gecikdirmək tapşırığı verir.
Tramp çıxışında TikTok-un dəyərinin 1 trilyon dollara yaxın olduğunu düşündüyünü qeyd edib və ABŞ-ın TikTok-un yarısını almaq hüququna malik olduğunu müdafiə edib. O, həmçinin, platformanın bağlanma təhlükəsi ilə üzləşdiyini və yalnız müvafiq tənzimləmələrin təmin olunacağı təqdirdə fəaliyyətinə davam edə biləcəyini vurğulayıb.
Qeyd edək ki, TikTok qadağasının tətbiqi həftə sonu başlanmışdı, lakin Trampın fərmanı bu müddəti uzadaraq platformanın fəaliyyətini müvəqqəti olaraq bərpa etməsinə imkan verib. Tramp, Truth Social sosial şəbəkəsində bu qərarın milli təhlükəsizlik maraqlarını qoruyacaq bir razılaşma əldə etmək üçün vaxt qazandıracağını bildirib.
