Bakı,AzerVoice
Meksika Prezidenti Klaudiya Şeynbaum ABŞ-ın keçmiş Prezidenti
Donald Trampla dialoq qurmağa hazır olduğunu vurğulayıb, lakin
ölkəsinin ABŞ-dan asılı vəziyyətdə olmayacağını açıq şəkildə bəyan
edib.
AzerVoice xəbər verir ki, prezident
Şeynbaum, ABŞ-ın yeni prezidentinin inauqurasiyasından bir həftə
əvvəl etdiyi çıxışında, Meksikanın azad və müstəqil ölkə olduğunu
vurğulayıb.
“Biz əlaqə qururuq, əməkdaşlıq edirik, lakin heç vaxt əyilmirik,” -
deyə əlavə edib.
Belə ki, Donald Tramp daha əvvəl Meksikanı qeyri-qanuni mühacir axını və narkotik maddələrin ABŞ-a daşınmasını dayandırmağa çağırmış və əks halda Meksika idxalına 25 faiz rüsum tətbiq edəcəyi ilə hədələmişdi. O, həmçinin qeyri-qanuni mühacirlərin kütləvi deportasiyasını vəd etmişdi. Meksika, milyonlarla vətəndaşının ABŞ-da yaşadığı və işlədiyi, həmçinin ABŞ-ın ən böyük ticarət tərəfdaşı olduğu bir ölkədir.
Zorakılıq və narkotiklərlə bağlı vəziyyətə toxunan prezident, ölkədə sentyabr-aprel ayları arasında qətllərin 16 faiz azaldığını bildirib. Şeynbaum həmçinin məhkəmə sistemində islahatlara dair mübahisəli təklifini yenidən müdafiə edib və ölkədəki bütün hakimlərin ümumxalq səsverməsi ilə seçilməsini tələb edib
Qeyd edək ki, Trampın təhdidləri qarşısında Meksika rəhbərliyi qətiyyətli mövqe nümayiş etdirir. Ölkə tarixində ilk qadın prezident olan Klaudiya Şeynbaum, ABŞ-Meksika sərhədində miqrasiya problemlərinin həllinə çalışır.
Klaudiya Şeynbaumun ABŞ-ın "Meksika Körfəzi" adlandırılması təklifinə cavabı da maraqlı olub. O, əks təklif olaraq ABŞ-ın adının “Meksika Amerikası” olaraq dəyişdirilməsini irəli sürüb.
Onu da qeyd edək ki, fizika üzrə doktorluq dərəcəsinə sahib olan 62 yaşlı prezident Klaudiya Şeynbaum vəzifəyə gəldikdən üç ay sonra öz sələfi Andres Manuel Lopez Obradordan daha populyardır.
