32
Bakı, AzerVoice
Norveçdən Hollandiyaya uçan sərnişin təyyarəsi təcili eniş zamanı
uçuş-enmə zolağından çıxıb.
AzerVoice xəbər verir ki, Oslo hava limanından Amsterdama qalxarkən yüksək səs eşidilən təyyarə Sandefjord hava limanına yönləndirilib.
Təcili eniş zamanı “Boeing 737-800” tipli təyyarə uçuş-enmə zolağından çıxaraq sürüşərək ot örtüyünə düşüb. Təyyarədə olan 176 sərnişin və 6 ekipaj üzvünə heç bir zərər verilmədiyi, hadisə ilə bağlı araşdırma aparıldığı bildirilib.
Norveç mətbuatında çıxan xəbərlərə görə, təyyarə hidravlik sistemindəki nasazlıq səbəbindən təcili eniş edib.
