Bakı,
AzerVoice
Çərşənbə axşamı Somalinin cənubunda həyata keçirilən hava hücumu
nəticəsində iki Əl-Şəbab üzvü öldürülüb.
AzerVoice xəbər verir ki, bu barədə
ABŞ ordusu dünən açıqlama verib.
Açıqlamaya görə, hücum Somali Federal Hökuməti ilə koordinasiya
olunaraq, paytaxt Moqadişu yaxınlığında yerləşən Koino Baro
şəhərindən təxminən 10 kilometr cənub-qərbdə həyata keçirilib.
İlkin qiymətləndirməyə görə, mülki vətəndaşlar xəsarət almayıb.
Somali hökuməti, eyni bölgədə keçirilən əməliyyatda Əl-Qaidə
liderinin öldürüldüyünü açıqlayıb.
Qeyd edək ki, "Əş-Şəbab" qruplaşması 15 ildən artıqdır ki, Somali
hökumətinə qarşı silahlı üsyan aparır. Somali hökuməti və
beynəlxalq ictimaiyyətin dəstəyi ilə 2011-ci ildə Afrika Birliyi
qüvvələri Əş-Şəbab-ı paytaxt Moqadişudan çıxarsa da, qrup hələ də
kənd yerlərində fəaliyyət göstərir və hərbi, mülki hədəflərə
hücumlar təşkil edir.
