Bakı,
AzerVoice
Fransa siyasi, sosial və iqtisadi böhranların bir araya gəldiyi
qeyri-müəyyənlik dövrünü yaşayır və bu prezident Emmanuel Makrona
qarşı təzyiqləri daha da gücləndirir.
AzerVoice xəbər verir ki, Fransanın
baş naziri Mişel Barnier hökumətinə qarşı etimad səsverməsinin
ardından istefa ərizəsini prezident Makrona təqdim edib
Prezident isə xalqa müraciət edərək mövcud qeyri-müəyyənlik
şəraitində ölkənin gələcəyi üçün yeni bir istiqamət müəyyən etməyə
çalışıb.
Yelisey dairələrindən alınan məlumatlara görə, Makron, Barnierin
yerinə yeni bir baş nazir təy in etməyi planlaşdırır. Lakin mövcud
vəziyyət məsləhətləşmə və siyasi manevr imkanlarını xeyli
məhdudlaşdırır. Fransa bir-birinin ardınca baş verən böhranlar və
beynəlxalq imicinin pisləşməsi ilə belə vəziyyətlərə artıq dözə
bilmir.
Bir çox dövlət idarələri işlərini dayandırıb. Uçuşlar qismən təxirə
salınıb, böyük şəhərlərdə ictimai nəqliyyatın fəaliyyəti zəifləyib.
Paytaxt Paris və digər şəhərlərdə kütləvi nümayişlər baş tutub.
Həmkarlar ittifaqları dekabrın 10, 11 və 12-də daha genişmiqyaslı
aksiyalar keçirməyə hazırlaşır. Bu, baş verənlərin yalnız başlanğıc
olduğunu və prezident Makrona olan təzyiqlərin getdikcə artacağı
gözlənilir.
