Bakı. AzerVoice:
Almaniya İraqda keçiriləcək enerji layihələrini açıqlayıb.
AzerVoice-nin məlumatına görə, bu barədə Almaniyanın İraqdakı səfiri Christine Hohmann deyib.
O, İraqda səmt qazından istifadə etmək üçün obyektlərin tikintisi layihələri üzərində işlədiyini, enerjinin inkişafı və investisiya təşəbbüsləri ilə bağlı elanı təsdiqlədiyini bildirib.
Hohmann Siemens-in İraqda əhəmiyyətli bir layihə həyata keçirdiyini qeyd edib.
“Bu Almaniyanın enerji sektorunu inkişaf etdirmək üçün başqa layihələr üzərində çalışdığını göstərir. İraqdakı səmt qazı praktiki olaraq istifadə edilə bilən bir mənbədir. Almaniyanın “Mercedes” və “BMW” kimi nəhəng avtomobil istehsalçıları var. Bu cür layihələrin həyata keçirilməsi üçün İraqda növbəti mərhələdə yaradıla biləcək xüsusi standartlara malik mühit lazımdır.” - deyə səfir bildirib.
Hohmann Almaniyanın İraqda səmt qazından istifadə edən layihələrə və İraq və Alman şirkətləri arasında razılaşmalar vasitəsilə irəli sürülən digər təşəbbüslərə hazırlaşdığını açıqlayıb.
Almaniyalı diplomat Almaniyanın İraqda böyük layihələrin qurulması üçün əlverişli şəraitin yaradılması üçün çox səy göstərdiyini vurğulayıb.
Hafiz Rufizoğlu
