BAKI, AzerVoice
Türkiyənin Daxili İşlər Naziri Ali Yerlikaya Ramazan bayramında baş verən yol qəzaları ilə bağlı məlumat verib.
AzerVoice xəbər verir ki, nazirin
məlumatına görə, bayramın ilk üç günü ərzində baş verən qəzalarda
27 nəfər həyatını itirib, 3 min 619 nəfər isə yaralanıb.
Nazir Yerlikaya, sosial media hesabında etdiyi paylaşımda, bayramın
üçüncü günü (bazar ertəsi) ümumilikdə 663 yol qəzasının baş
verdiyini açıqlayıb. Təəssüf ki, bu qəzalar nəticəsində 8 nəfər
həyatını itirib, 1120 nəfər isə yaralanıb. Nazir, vətəndaşları
yolda diqqətli olmağa və bayram sevinclərinin acıya çevrilməməsi
üçün hərəkət etməyə çağırıb.
Polis və jandarma yol qruplarının yoxlamalarını davam etdirdiklərini bildirən Yerlikaya, bazar ertəsi, 31 Mart 2025-ci ildə 528 min 654 nəqliyyat vasitəsinə yoxlama keçirdiklərini, 27 min 387 vasitədə sürət və radar yoxlamalarının aparıldığını qeyd edib. Nazir, qəza sayılarının azalması üçün ciddi tədbirlərin görüldüyünü və gələcəkdə daha çox diqqət və ehtiyatla hərəkət etməyin vacibliyini vurğulayıb.
Qeyd edək ki, nazir 66 can itkisinin sıfıra endirilməsi üçün səylərin davam etdiriləcəyini açıqlayıb və həyatını itirənlərə Allahdan rəhmət, yaralılara isə tezliklə şəfa diləyib.
