Bakı, AzerVoice
HDP-dən olan sabiq millət vəkili Qaro Paylanın sözləri erməni
millətçiliyinin taktikasıdır və onun Azərbaycanı təhdid etməsi
yolverilməzdir.
AzerVoice xəbər verir ki, bunu
türkiyəli siyasi ekspert və hüquqşünas Bilal Aykaç deyib.
Ekspertin fikrinə görə, Paylan açıqlamaları zamanı işlətdiyi “gül,
həşərat, sülh və sevgi” kimi ifadələr arxasında erməni
millətçiliyini gizlətməyə çalışır.
“Türkiyə Böyük Millət Məclisində olduğu zaman bizə insanlıq
öyrətməyə çalışan Paylan, əslində, gizli erməni millətçiliyini
tərənnüm edirdi”- deyə o qeyd edib.
Aykaç hesab edir ki, Paylanın Azərbaycxan əleyhinə son açıqlamaları
yalnız onun şəxsi fikirləri deyil, eyni zamanda Ermənistan
rəhbərliyinin səsləndirə bilmədiyi, lakin düşündüyü strateji
hədəfləri əks etdirir
“Hazırda Ermənistanın baş naziri Nikol Paşinyan Qarabağ və İrəvan
klanlarına qarşı ölkəsinin iqtisadi inkişafı üçün sülh mesajları
versə də, zəif mövqedə olduğu üçün bəzi fikirlərini açıq ifadə edə
bilmir-deyə o qeyd edib.
Bilal Aykaç qeyd edib ki, Türkiyə hər zaman dost və qardaş ölkəsi
Azərbaycanın yanında yer alıb və bundan sonra da belə olacaq.
“Ermənistan, əhalisinin böyük hissəsi Avropa və Amerikada yaşayan,
gənclərinin fürsət düşən kimi tərk etmək istədiyi bir ölkədir. Onun
Türkiyəyə iqtisadi baxımdan heç bir töhfəsi yoxdur." - deyə o
vurğulayıb.
Ermənistanın bir vaxtlar Rusiya, indi isə Qərb tərəfindən
silahlandırıldığına diqqət çəkən ekspert, buna qarşılıq olaraq
Türkiyə və Azərbaycanın da hərbi və iqtisadi əlaqələrini daha da
gücləndirməli olduğunu bildirib.
Məlumat üçün bildirək ki,Paylan 3-5 il ərzində ABŞ və Fransanın köməyi ilə güclü ordu quraraq, Qarabağı Azərbaycandan geri alacağını ifadə edib.
