Səfirliyimizin yenidən açılması Suriyadan asılıdır - Tehran

Bakı,AzerVoice

İran hökumətinin sözçüsü Fatma Mühacirani, Tehran səfirliyinin Dəməşqdə yenidən açılması qərarını Suriya hökmdarlarının davranışına və fəaliyyətinə əsaslanaraq verəcəyini bildirib.

AzerVoice xəbər verir ki, İranın rəsmi xəbər agentliyinə verdiyi açıqlamada, Mühacirani, “İran İslam Respublikası qərarını Suriya hökmdarlarının davranışı və fəaliyyətinə əsaslanacaq” deyib.

Mühacirani, Suriyanın vəziyyətinin qeyri-müəyyən olduğunu və bəzi ölkələrin Suriyaya münasibətini birdən-birə dəyişdiyini qeyd edib. İran hökumətinin bu məsələdə Suriya hökmdarlarının davranışına əsaslanaraq qərar verəcəyini bildirib. O, həmçinin İranın məqsədinin Suriya xalqının iradəsinə hörmət etmək, ərazi bütövlüyünü qorumaq və terrorizmin yayılmasının qarşısını almaq olduğunu vurğulayıb.

İran Xarici İşlər Nazirliyinin sözçüsü İsmayıl Bekayi də bəyan edib ki, Tehran Suriyanın yeni hökmdarları ilə birbaşa əlaqə saxlamır, amma bəzi müxalif qruplarla əvvəlki əlaqələrini davam etdirir. Bekayi, Dəməşqdəki səfirliyin yenidən açılmasının hazırlıq tələb etdiyini və təhlükəsizlik şəraiti yaradıldıqda bu işə davam ediləcəyini bildirib.

Qeyd edək ki, Suriya müxalifəti, dekabrın 8-də Bəşər Əsədin devrilməsini elan edib. İran isə müharibə boyu Əsədi dəstəkləyib və Suriyada SEPAH qoşunlarını yerləşdirib.