BAKI, AzerVoice
Türkiyə Milli Kəşfiyyat Təşkilatının (MİT) direktoru Kalın HƏMAS heyəti ilə Qəzzaya humanitar yardım və atəşkəs səylərini müzakirə edib
AzerVoicexəbər verir ki, MİT direktoru
İbrahim Kalın HƏMAS Şura Şurasının sədri Məhəmməd Dərvişin
rəhbərlik etdiyi nümayəndə heyəti ilə görüş keçirib.
Görüş zamanı Qəzzaya humanitar yardımın çatdırılması, beynəlxalq
humanitar səylərin koordinasiyası və İsrailin hərbi
əməliyyatlarının dayandırılması ilə bağlı məsələlər müzakirə
olunub.
Tərəflər Qəzzada davam edən humanitar fəlakətin aradan qaldırılması üçün birgə tədbirlərin görülməsi və daimi atəşkəsin təmin olunmasının vacibliyini vurğulayıblar. Eyni zamanda, İsrailin Qəzza xalqını zorla köçürmək cəhdlərinə qarşı ortaq mövqe nümayiş etdirilib.
Qeyd edək ki, görüşdə Türkiyənin, İsrailin mülki əhaliyə qarşı hücumlarına baxmayaraq, Qəzza xalqının yanında olacağı bir daha bəyan edilib. Ankara, bölgədə sabitliyin bərqərar olması üçün beynəlxalq sülh təşəbbüslərinə dəstəyini davam etdirəcəyini bildirib.
