BAKI, AzerVoice
İsrail ordusunun Qəzza zolağında yerləşən bir məktəbə hava zərbələri endirib.
AzerVoice xəbər verir ki, İsrail ordusu Qəzza zolağının Ət-Tuffah məhəlləsində yerləşən və yerindən edilmiş fələstinlilərin sığındığı Dar əl-Ərqəm məktəbinə hava hücumu edib.
Şahidlərin sözlərinə görə, İsrailin hərbi təyyarələri məktəbə üç raket atıb.
İlkin məlumata görə, hücum nəticəsində, qadın və uşaqlar da daxil olmaqla 25 nəfər ölüb, təxminən 100 nəfər yaralanıb. Yaralıların vəziyyəti ilə bağlı təfərrüatlar açıqlanmasa da, çoxunun ağır yaralı olduğu bildirilib.
Qeyd edək ki, martın 18-dən bu günə qədər İsrailin Qəzzaya təşkil etdiyi hücumlarda 1163 nəfər həlak olub, 2735 nəfər isə yaralanıb. 7 oktyabr 2023-cü ildən bəri isə Qəzzada həyatını itirənlərin sayı 50 min 523-ə, yaralıların sayı isə 114 min 776-ya çatıb.
