BAKI, AzerVoice
İsrail müdafiə naziri israel Katz-ın təqdim etdiyi və Suriyalı dürzilərin işğal altındakı ərazilərdə – xüsusilə də kənd təsərrüfatı və tikinti sahələrində işləməsinə icazə verilməsini nəzərdə tutan plan, hələ icraya başlamamış ləğv edilib.
AzerVoice xəbər veir ki, bu barədə İsrail dövlət televiziyası KAN məlumat verib.
Məlumata görə, dürzilərin işğal altındakı Colan təpələrinə gətirilməsi ilə bağlı görülən hazırlıqlar, Təl-Əviv rəhbərliyinin qərarı ilə dayandırılıb.
Qeyd edək ki, İsrailin son dövrlərdə Suriyadakı dürzi icmasını öz tərəfinə çəkmək üçün müxtəlif addımlar atır. Müdafiə naziri Katz, martın 9-da Suriyalı dürzilərə Colan təpələrində işləmək üçün giriş icazəsi veriləcəyini açıqlamışdı.
İsrail hökuməti, beynəlxalq hüquqa görə Suriya ərazisi sayılan Colan təpələrində yaşayan dürzi və çərkəz icmaları üçün 1 milyard dollardan çox dollar məbləğində 5 illik investisiya paketi açıqlamışdı.
Digər tərəfdən, Suriyadakı dürzi icmasından təxminən 100 nəfərlik bir nümayəndə heyəti, 52 illik fasilədən sonra ilk dəfə olaraq mart ayının ortalarında İsrailə səfər etmişdi.
