Bakı, AzerVoice
İsrailin baş naziri Benyamin Netanyahu çərşənbə axşamı Livanla atəşkəs razılaşmasını yerinə yetirməyə hazır olduğunu və Hizbullah tərəfindən “istənilən pozuntuya şiddətlə cavab verəcəyini” söyləyib.
AzerVoice ArabAZ-a istinadən xəbər verir ki, müraciətində Netanyahu axşam saatlarında atəşkəs razılaşmasını kabinetinə təqdim edəcəyini söyləyib. İsrail televiziyası bildirib ki, məhdud təhlükəsizlik kabineti daha əvvəl razılaşmanı təsdiqləyib.
“Biz razılaşmanı yerinə yetirəcəyik və istənilən pozuntuya şiddətlə cavab verəcəyik. Birlikdə qələbəyə qədər davam edəcəyik.ABŞ ilə tam koordinasiyada biz tam hərbi fəaliyyət azadlığını qoruyuruq. Hizbullah razılaşmanı pozarsa ona sərt cavab veriləcək”-deyə İsrail baş naziri bildirib.
O əlavə edib ki, atəşkəsə nail olmaq üçün üç səbəb var – diqqəti “İran təhlükəsi”nə yönəltmək, tükənmiş silah ehtiyatını artırmaq və orduya istirahət vermək və nəhayət, HƏMAS-ı təcrid etmək.
Onun sözlərinə görə, İranın dəstəklədiyi və HƏMAS-a müttəfiq olan Hizbullah münaqişənin başlanğıcında olduğundan xeyli zəifləyib.
“Biz onu onilliklər geriyə qoyduq,… onun yüksək səviyyəli liderlərini məhv etdik, silah və raketlərinin əksəriyyətini məhv etdik, minlərlə döyüşçünü zərərsizləşdirdik və sərhədimiz yaxınlığında illərlə mövcud olan terror infrastrukturunu yerlə bir etdir”-deyə p bildirib.
Netanyahu qeyd edib ki, İsrail Yaxın Şərqin simasını dəyişir.
Qedy edək ki, bazar ertəsi Reuters-ə danışan dörd yüksək rütbəli Livan mənbəsinin sözlərinə görə, İsrailin razılaşmanı təsdiqləməsi ABŞ prezidenti Co Bayden və Fransa prezidenti Emmanuel Makron tərəfindən atəşkəs bəyannaməsinə yol açacaq.
Diplomatik irəliləyişlərə baxmayaraq, İsrail Beyrut və Livanın digər hissələrinə hava zərbələri kampaniyasını kəskin şəkildə artırdığı üçün döyüşlər davam edir.
Bununla belə, Livandakı atəşkəsin İsrailin Fələstinin HƏMAS qruplaşması ilə mübarizə apardığı viran edilmiş Qəzzada atəşkəsi və girovların azad edilməsini sürətləndirəcəyinə dair heç bir işarə yox idi.
Livanda atəşkəs razılaşması İsrail qoşunlarının Livanın cənubundan çıxarılmasını və Livan ordusunun bölgədə yerləşdirilməsini tələb edir. Hizbullah Litani çayının cənubundakı sərhəddə silahlı mövcudluğuna son qoyacaq.
Livanın müvəqqəti xarici işlər naziri Abdullah Bu Həbib bildirib ki, İsrail qoşunları geri çəkildiyi üçün Livan ordusu Livanın cənubunda ən azı 5 min əsgər yerləşdirməyə hazır olacaq və ABŞ İsrailin zərbələri nəticəsində dağılmış infrastrukturun bərpasında rol oynaya bilər.
Açıqlamadan bir neçə saat əvvəl İsrailin Hizbullahın qalası sayılan Beyrutun sıx məskunlaşan cənub ətrafında bəzi hərbi obyekt olduğu iddia edilən yerləri darmadağın edib. Livanın Səhiyyə Nazirliyinin məlumatına görə, İsrail ordusu cəmi 120 saniyə ərzində şəhərdəki 20 hədəfə bir zərbə endirdiyini, ən azı 7 nəfərin öldüyünü və 37 nəfərin yaralandığını bildirib.
